BELLANAPOLI

TORNA ALL'INDICE






'O SPECCHIETIELLO
dal ventre di Napoli


M'aggio accattato nu specchietiello
pé nu ''famone ca pass''a ccá,
'stu specchietiello ch'é tanto aggarbato
si vuje vulite vó faccio vedé .


E sto 'mpustato ca fore 'o palazzo
cu sta lastrella me l'aggia attirá,
isso nun scenne, m'arrepasse, me strice. e pó fuje,
me scarfa l'asteche e pó se ne vá.


Gué sole 'nfamone pecchè, m'arrepasse ?
Nun 'o vví ca te cerco, e te voglio acchiappá,
'e firmete jamme, scinne d''a loggia,
scarfame 'e vasce ca stanne a murí.


Invece me sfutte e rerenne 'nce passe,
gué vi c'arrepasse me staje cumbiná,
quante si bello, oj sole d''a vita,
ca mentre te veco, sparisce da llá.


Faje comme 'a scigna, sempe ca zumpa,
sempe ca strisce,pe 'ncopp''a chist'asteco
titte e suppigno, a sti fenestelle faje tu spantecá,
settimo cielo, vico d''o solo


dimme addó staje? Fatte acchiappá !
Tu strisce L'attimo, fasce 'ndurata,
chien'è calore, tu me faje annammurá,
stienneme à mano fatte vasà .


'Ncopp''e luggette, sole cucente,
ví quanta pece saje sule squagliá,
mentre io da basce miezo 'a stu vico,
guardo speruto stu' calore è passà.


Nu vico astritto, senza maje luce,
nicchie, è grarelle,fatte a budella,
manco sei metre si vulisse passà,
cane c'abbajene, chiagne e criature,


ciente mastrille,dint''a stu scuro,
stanne a ggente a campà.
Bucate spase, só chine è balcune,
Quanta bandiere, lenzole e cammise.


Saglie n''a voce acalate 'o panaro,
a ogge á otte si vulite ò rammaro.
Chiamma n''a mamma,risponne 'o criature,
sotto à n''a chiesa chiammata 'o Gesú.


Fino à luggetta pé st'asteco e titto,
addó stá ó sole,mo' l'aggio afforza acchiappá.
Stu specchietiello, ca vuje pare niente,
quanta miracule ca putesse isso fá.


Vi che riflesso,Gué che palomma,
ca zumpetteje tra stí barcune 'e stu vico,
quante só belle sti strisce ca faje,
pare n''a festa 'nzertata int''o vico.


Tu puorte ricchezza, oje luce e calore,
ma sule n'istante,pe' fa' l'ucchie abbagliá.
Passene ll'ore, arriva 'o tramonto,
s'ammosce 'o sole, e giá russo se fá;


C''o sole che cale me morta 'a palomma,
e stu specchietiello,m'aggi'a fforza astipá,
ma io aspetto 'a dimane, quanno abbisto
'o birbante,


cu sta l'astrulella voglio 'o sole acchiappa',
pe scarfa' stu' vico ca n''a vita mó vó .








'E SCUGNIZZE
d'altri tempi


Dint''o vico 'a Vicaria
n''a parate de scugnizze,
se scetava d''a nuttata,
cu chill'uocchie assunnucchiate;


Se lagnavanne d''a miseria...
Dint''e sporte lla' arrugnate,
discutevene de bravure,
d''o dduie ssorde,'e pizze 'a otte,
de fritture 'e zuppulelle,
d''o suffritto,'e 'mbustatelle.
D'ammuine 'a folla, 'o scippo.
Chellí ranne caurare
tutte attuorno a uno, a uno,
d''o piatto 'o mietto mmocca,
d''o duie ssorde,
cué dduie dete 'a cannarino,
la vullente lla' allattante
che piacere si so' abbuntante;
Vierde, vierde 'e maccarune,
la te 'nquacchia tutt''o musso.


D''o turisto spillaccione,
de l'Inglese sfuttitore,
'o d'o guardio c''o bastone.
Mieze porta Capuano
so' imponente stÍ doie torre,
ce passaje nú Federico
so' tant'anne benerico,
e trionfante ancora stanne,
e accussí pure 'e scugnizze,
comme 'e llellera c''a cresce
só insistenti indistruttibili,
so' d''o popolo 'e verrizze.
Mà 'o guverno fá 'o cecato
'sta chi dice só leggibili
n'ato dice assaie visibili.


Pascalone che sé lagna
Gaitá tenco n''a famma !
'O capo 'n testa le risponne
a chi 'o dice, io gia' so' muorte,
nun fa' 'o strunzo statte zitto,
chine 'e pezze so' ridotto,
cu tré cazune e tré giacchette
maje nun trovo n''a vrachetta,
e m'arrangio c''o pisciá
songo 'e tiempo c'aggia fá ?


'A si fosse milionario
quanti cose m'accattasse,
n''a sciammeria ,'o matarazzo,
n''a carrozza, c''o palazzo.
N'ato 'e lloro rispunnette,
n''a mille lira fosse bona,
m'apparasse tutte l' ossa.


'O mezzano Rafiluccio
penseruse rispunnette
pure n''a ciente fosse bbona
ma che' dico almenno 'a diece,
chi tene 'e lire 'e furtunato,
no comm'e nuie mieze a n''a strada,
senza casa e ne famiglia,
chi se cure e nuie si nun nuje ?
Ce servesse nu miraculo,
San. Genná vi che puó fá ,
fa' na grazia, mo' ce' vo'.
P'appara' sta famma eterna,
o pe lasciá sta sporta rotta.
Malerico a sti putiente,
stí straniere guvernante ca
se ne fottene d''o popolo,
e de nuie ca miez'a via.
Masaniello have raggione
quanne sferra 'o lacertone
tanne vire 'e Giacubbine
tutte appise int'e vetrine.


Luigino 'o vicchiariello,
'o scugnizzo cchiu' carillo
cianciusiello, assaie bellillo,
inconsapevole d''a somma,
o de desiderie gia' sperate
rispunnette,
io vulesse si putesse
n''a mammá si me vulesse,
cu nu lietto addo' durmesse,
addo' friddo nun ce stesse.






'O JUORNO DE MUORTE
IL DUE NOVEMBRE

Arrivene tutt'assieme
pariente zie e' nupute,
volle ò caffé pé l'aria,
c'aroma e ciure muorte.


Felice é criature,
scutulejane é cascettelle,
facite bene 'e muorte,
pe l'aneme e chi cé muorte.


P''a strade che frastuone,
me pare n''a parata,
nu' mare é ggente é ciure,
quase fosse tappeto.


Frenate só é cavalle,
tra' tram é filobus,
straziate só é binarie
e tutte sti trentuno.


Se và Puceriale,
ò campusanto, ó pianto,
quanta grillande passe,
e carrette che cachis .


Aspettano ogge é muorte,
Toto', Caruso, e grande
da nun puté cita'
é grande stà città !


Quanti cappelle e nicchie,
trà povere é sti ricche,
à ggente rire, o chiagne
suffrenne assieme é muorte.


Triste pare ó ritorno
trà tutte stí mortali,
dimane é n'atu juorno
dimane schiare n'atu taluorno.